Nin basi e manggula ko?

Aden gay a kadtaman no taw,, aden oras a kadunggo no manosiya,, niyaba so oras a da den makagaga melen lon,, apiya entayn kano mga taw,, kawasa,, miskinan,, dato,,pendatuwan,, mama,, babay,, masla,, manawt,,matuwa,,manguda,, niyaba so gay a kapatay,, amayka makawma den kano taw,, na manalos den,, matebped so ngiyawa,,di den makaginawa so manusiya,,Malmo bon o manden ba,, ka para mambo maawa ta den kano mga lido na ginawa kano niya a kabpaguyag-uyag,,makatelen taden kano niya a mga lugat,,Way pagali ko na di kena ka man san pedtaman,, ka so timpo a kakuwa ni malakalmawt kano ngiyawa nengka na malgen,,mapasang,,masakit,, o di ka ikalimo no Allah,, na tanto den a mapasang,, apiya pan so Pangahulo tano a Nabi Muhammad Alayhissalato wasslam na napasangan,, kano timpo a kapebpaya nin na yanin kadtalo: (( Sabensabenal a aden kano kapatay e lipedengan so taw lon – kalangot - )), pakapangeni so Nabi tano sa ig a makasapo nin kano biyas nin.Panon ka seka nan a pagali ko? So Nabi Mohammad na pinadtaya no Allah den,,na mayto pan igkagedam nin,,inampon o Allah so mga dusa nin,, inikalimo no Allah,, na da sekanin matabiya kano mayto a katamanan,, nin basi o sekitano! A da maampon so mga dusa tano, ya pan mula e madakel e kapendusa tano,,di pedsambayang,, di baginuntulan,, da la so gilek kano Allah.ya den madakel a galbek na so di mapiya kano Agama.Ngin e katamanan basi! Nin e manggula kano namba a timpo,,so kakuwa kano ngiyawa na duwa kambalangan:1. aden taw a malmo e kaliyo no ngiyawa nin kano badan nin,, mana so katuga no ig siya kano kendi a dala sagkot tin.2. aden taw a mapasang e kaliyo no ngiyawa nin kano badan nin,, ka mana egkangabulandot,lawan kano kambing a bibiyag a bagupisan e kasakit nin.nin kalangan ka o seka e upisan?Di kena lubo pedtaman pagali ko,,ka nambo su pekas a egkatamanan,, ka uliyan no kapatay no taw,, na aden pan lebeng ( kobor ), a salakaw den ikatamanan lo,, mapasad na so padangmahshar kano oliyan no kambuwat kano kobor,,maypos na kagkuwenta kano mga galbek,so katitay kano sirat a magalang pan kano pedang,a mabuti pan kano buk,,maypos na so surga ataw ka so naraka,, nin basi e manggula ko? ya Allah!Seka pagali ko e mataw san,, sa nin e manggula nengka,, endaw ka san mangay?, nin e okitan nengka?, so lalan sa surga?, a tawka so lalan sa naraka?.Ya Allah! Bangenin nami salka e tuturo kami kano lalan a matidto,, a isangul nami kano surga. Ameeeeenmanggula ko?