Wednesday, February 10, 2010

Ang Pag-aalaga ng Aso

Ayon kay Abu Hurayrah (RA), sinabi ng Sugo ni Allah (SAS) na: Ang sinumang nag-aalaga ng aso, maliban sa asong ginagamit sa pagbabantay ng mga alagang hayop o sa pangangaso o sa pagbabantay ng pataniman, ay nababawasan araw-araw ang kanyang gantimpala ng kasinlaki ng qeerat. ( ang qeerat ay kasinlaki ng bundok. Kaya ang nag-aalaga ng aso ay nawawalan ng kasinlaki ng bundok na gantimpala araw-araw).

Ayon kay Abu Hurayrah (RA), sinabi ng Sugo ni Allah (SAS) na: Kapag dinilaan ng aso ang lalagyan (ng inumin at pagkain) ng sinuman sa inyo, hugasan ninyo ito nang pitong ulit at pagkatapos ay kuskusin ng lupa bilang ikawalong (paglilinis dito).*

Ang mga Aral

1. Ang pag-aalaga ng aso ay ipinagbabawal kung hindi rin lamang gagamitin sa pangangaso o pagbabantay ng mga alagang hayop o ng pataniman.
2. Ang mga aso ay dapat layuan at iwasan ang pag-aalaga ng mga ito.
3. Ang dinilaan ng aso ay lubhang marumi anupa’t kung ang dinilaan ay lalagyan ng pagkain o inumin, kailangang ito ay pitong ulit na hugasan at pagkatapos ay kuskusin ng lupa.

Ang Paggamit ng Palikuran

Ayon kay Anas (RA): Kapag nais ng Sugo ni Allah (SAS) na pumasok sa palikuran ay nagsasabi muna siya ng ‘ ALLAHUMMA INNEE A’OODHU BIKA MINAL KHUBUTI WAL KHABAA’ITH’ (O Allah, ako po ay nagpapakupkop sa iyo laban sa masama at mga demonyo).

Ayon kay A’isha (RA): Kapag ang Sugo ni Allah (SAS) ay nakalabas na sa palikuran, ang sinasabi niya ‘ GHUFRANAK’ ( Hinihingi ko po ang Iyong kapatawaran).

Ayon kay Jabir bin Abdullah (RA): Ipinagbabawal ng Sugo ni Allah (SAS) na umihi sa tubig na hindi umaagos.

Ang mga Aral

1. Bago pumasok ang isang Muslim sa palikuran, mainan na sabihin niya ang “ALLAHUMMA INNEE A’OODHU BIKA MINAL KHUBUTI WAL KHABAA’ITH” at kapag nakalabas na siya ay sabihin niya ang “GHUFRANAK”.
2. Kapag dudumi o iihi sa labas (kung walang palikuran) kailangang hindi makita ng ibang tao ang AWRAH (para sa mga lalaki, ang bahagi ng katawan sa pagitan ng pusod at tuhod) at kailangang lumayo at huwag magpakita sa mga tao. Kailangang huwag humarap o tumalikod sa QIBLAH (ang dakong kinaroroonan ng KA’BAH) kapag iihi o dudumi.
3. Kailangang sikapin na hindi mabahiran ng ihi o dumi ang kasuutan at kailangang maglinis na maigi pagkatapos umihi o dumumi, sa pamamagitan ng tubig hanggang maaari.
4. Inilalahad dito ang pagiging ganap ng pananampalatayang Islam na sinasaklawan at nililinaw ang lahat ng mga bagay pati na ang kagandahang asal sa paggamit ng palikuran.

Ang Awa

Ang sabi ni Allah hinggil sa kanyang Propetang si Muhammad (SAS): Sa mga mananampalataya (si Muhammad ) ay napakamahabagin at maawain. ( 9 :128 )

Ang sabi naman ni Allah hinggil sa mga mananampalataya: (Ang mga mananampalatya) ay mga maaawain sa isa’t-isa .( 48 : 29 )

Ayon kay Jareer bin Abdullah (RA): Ang sabi ng Sugo ni Allah )SAS): “ Hindi kahahabagan ni Allah ang hindi (marunong) mahabag sa mga tao .”

Ayon kay Abu Hurayrah (RA): Narinig ko si Abul Qasim ( isa sa mga tag-uri kay Propeta Muhammad (SAS) na nagsabing: “ Walang pinagkakaitan ng awa kundi ang mga sawing-palad.”

Ang mga Aral

1. Ang pagiging maawain ay isa sa mga katangian ng mga mananampalataya.
2. Ang taong marunong maawa ay kaaawaan din ni Allah.
3. Ang pagkawala ng awa sa puso ay tanda ng pagiging sawing –palad ng isang tao.

Monday, February 8, 2010

Sompat o Bitiyala Pantag sa Kambetadan O Babay Sa Islam

Mga suledami a manga babay, masla man i kambetadan tano a manga babay kano Agama Islam, apya so manga lukes, , suled atawka so manga pagali tano a manga mama na iniganat kano paganay pan a timpo sampay den saguna na nangimpatay silan sa ped a sabap a kinapangimpatay nilan na sabap kano kapendalinding nilan salkitano a manga babay, nakaibarat tano sa muntiya a tidto a tininggamo no mga mama yanilan tinumo i kapatay asal a maka-safety nilan so maratabat tano.

Na izan tano kona mambo manga suled nami so manga ginawa tano o nginto tinggamon tano bon so manga ginawa tano mismo sa apya endaw tano mipimpil a dalpa? Upama ka aden bon mambo maratabat tano kano bangsa tano na aden anya a dayt-patot a kasabutan tano,solimanen tano sa mapya ka so niya ba na pantag sa kadtatanusan tano a manga babay! Kena yanin ma'na i mawag so kadtatanusan o babay sa Islam ugayd na aden anto na di kadsuliman no sabad na pakasubra kano guris no kabpagagama nin, so Islam na dikena mapasang ka tembo inituron so Nabi ka go kalemuwan so manga pagetaw nin, mipamando nin so manga mapiya a ukit sarta na isa inya a lalan sa kasampurna no kapulo a kambetadan no sekitano a manga babay namayngka kasabutan tano inya ba go tano masampay so limo no Allahu Ta'ala ka sa taw a dili nin panulimanem so niya ba na makawatan den kano limo no Allahu Ta'ala. kagina ka mayto na niya so dayt a zanggilan no sekitano a manga babay: paganayan na so kad-tattoo atawka kapanago sa tattoo siya sa biyas atawka apya endaw den ko lawas o taw; ikaduwa na so kapangawa sa bok sa biyas mana so kapangubpit sa kilay; ya manem ikatelo na so kasumpat sa ngipen ya mayto na tebpeden so ngipen mapasad na sumpatan sa lagid bon o ngipen atawka pamulan sa ngipen asar bo a kaumanan so kanisan. Niya so Hadeeth a nakaukit kani Abdullah a wata mama ni Mas'oud, pidtalo no Nabi Muhammad (SAS): ((Nakawatan den kano limo no Allah so manga babay a panago sa tattoo endo so manga babay a papedtago sa tattoo, so manga babay a pangawa sa bok a biyas endo so manga babay a pabpangawa sa bok a biyas, so manga babay a papedsumpat (pabpamula) sa ngipen asar bo a kanisan, manga babay a panambiyan nilan so kinapamaloy no Allah)). So niya a Hadeeth na yalon nakapanudtol na si Muslim, mapya inya a Hadeeth.

So timpo a paganay na so manga babay na siya silan pedta-tattoo sa lima tampal sa likod a lima, saguna na siya den sa palas dikena manga babay bo ka sabad kano manga mama na pedta-tattoo den silan, na dili inya pakaayon a galbekan kano Agama Islam. So kabpangawa sa bok a biyas na ya den tidto a puntos nin na so kabpangikis sa bok na kilay sa aden anto na pakanipisen so kilay atawka pamadtuden, ped inya kano pedsanggilan tano a manga babay.
Italos tano bo so niya ba bityala sa manga tumundog a timpo o miyog so Allah…

Monday, January 25, 2010

Ang Katapatan At Takot kay Allah

.
Ang sabi ni Allah: At walang ipinag-utos sa kanila kundi sambahin nila ng tapat si Allah at Siya lamang ang sundin. ( 98:5)

“Sabihin mo, ‘ Si Allah ang sinasamba ko nang tapat at Siya lamang ang aking sinusunod.’ (39 : 14)

Sabihin mo, ‘ Kung itago man ninyo ang nilalaman ng inyong mga puso o ipahayag ito, malalaman pa rin ito ni Allah.’ (3 : 29 )

Tunay na kay Allah ay walang maitatagong anumang bagay, sa langit man o sa lupa. (3 : 5 )

Ang sabi ni Umar ibn al-Khattab (RA):* “ Narinig ko ang Sugo ni Allah (SAS)** na nagsabing,’ Ang halaga ng mga gawa ay nakabatay sa mga layunin at ang bawat tao ay gagantimpalaan ayon sa kanyang nilalayon, kaya ang sinuman na lumikas alang-alang kay Allah at sa Sugo Nito, ang kanyang paglikas*** ay para kay Allah at sa Sugo Nito. At ang sinuman na lumikas alang-alang sa makamundong bagay upang ito ay makamit o alang-alang sa isang babae upang ito ay mapangasawa, ang halaga ng kanyang paglikas ay ayon sa kanyang ginawa.’

Ayon kay Abu Harayrah (RA), sinabi ng Sugo ng Allah na: Hindi tinitiningnan ni Allah ang inyong mga katawan ni ang inyong mga anyo subalit ang tinitingnan Niya ay ang inyong mga gawa.

Ayon kay Abu Dharr (RA), sinabi ng Sugo (SAS) na: “Ang taong higit na karapat-dapat sa aking pamamagitan sa araw ng paghuhukom ay ang nagsabi ng “LA ILAAHA ILLALLAH” ( walang tunay na Diyos kundi ang Allah) nang tapat mula sa kanyang puso.

Ayon kay Abu Hurayrah (RA), sinabi ng Sugo ni Allah(SAS) na : Matakot kay Allah saan ka man naroon. Pasundan mo ang masamang gawa ng mabuting gawa na bubura rito. Pakitunguhan mo ang mga tao ng mabuting asal.

Ang mga Aral

1. Ang katapatan at ang kondisyon upang matanggap ang mabuting gawa at ang dahilan kung bakit pinararami pang lalo ni Allah ang gantimpala ay nakasalalay dito.
2. Si Allah ay hindi nangangailangan ng katambal sa pagsamba at hindi Niya tatanggapin ang anuman kung hindi rin lamang tapat na ginawa alang-alang sa Kanya. Ito ay batay sa sinabi ni Allah Sa Hadith Al-Qudsi: “Ang sinumang gumawa ng isang gawain alang-alang sa Akin at sa itinatambal niya sa Akin, iiwan ko siya kasama ng kanyang mga ginawa.”
3. Kailangang magkaroon ka ng takot at maging matapat kay Allah sa lahat ng sandali yaman din lamang na walang anumang bagay na nalilingid sa kanya maging sa lupa man o sa langit.

Ang Kahinahunan At Kabaitan

Ang sabi ni Allah: At dahil sa habag mula kay Allah, naging banayad ang iyong pakikitungo sa kanila.At kung nagkataong ikaw ay mabagsik at matigas ang puso, magsisilayo sila sa iyong paligid. ( 3:159 )

Ayon kay A’ishah (RA), sinabi ng Sugo ni Allah (SAS) na : Tunay na si Allah ay mabait at ibig Niya ang kabaitan sa lahat ng bagay.

Ayon kay Ibnu Abbas (RA),ang Sugo ni Allah (SAS) ay nagsabi kay Abul Qays Ashajj (RA) na: Ikaw ay nagtataglay ng dalawang katangiang gusto ni Allah: ang pagtitimpi at ang kahinahunan.

Ayon kay A’ishah (RA), sinabi ng Propeta (SAS) na: Ang anumang bagay ay gumaganda kapag sinamahan ng kabaitan at ito ay pumapangit kapag inalisan ng kabaitan.

Ayon kay Jareer bin Abdullah (RA), sinabi ng Sugo (SAS) na: Ang sinumang napagkaitan ng kabaitan ay napagkaitan ng lahat ng kabutihan.

Ang mga Aral

1. Ibig ni Allah ang kabaitan at ito ang dahilan ng paglapit ng mabuting bagay.
2. Ang kabaitan at kaluwagan sa pakikitungo sa kapuwa ay ilan sa mga katangian ng mga taong karapat-dapat sa paraiso.
3. Mahalaga ang kahinahunan at iwasan ang galit.

Monday, December 14, 2009

Ang Shirk At Ang Tawheed


Ang sabi ni Allah: “Tunay na ang shirk (Pagtatambal kay Allah ) ay isang malaking kawalan ng katarungan. (31:13 )

“At naipahayag sa iyo (Muhammad) at gayon din sa mga nauna sa iyo, na kung ikaw ay magtatambal kay Allah ay totoong mawawalan ng saysay ang iyong mga gawa at ikaw ay mapapabilang sa mga talunan.” (39:65)

“Nilalang Ko lamang ang jinn at ang tao upang Ako’y kanilang sambahin.” (51:56)

At nagpadala kami sa bawat bansa ng sugo na (ang ipinangangaral ay): “ Sambahin ninyo si Allah at iwaksi ninyo ang mga diyus-diyosan.” ( 16 :36 )

Ayon kay Jabir (RA), sinabi ng Sugo ni Allah (SAS) na: ‘Ang sinumang makatagpo si Allah nang hindi niya ito tinatambalan ng anuman ay papasok sa paraiso. At ang sinumang makatagpo si Allah nang tinatambalan niya ito ng anuman ay papasok sa Impiyerno.

Ayon kay Abu Hurayrah (RA), sinabi ng Sugo ng Allah (SAS) na: Pangilagan ninyo ang pitong mortal na kasalanan. Ang sabi nila,’O Sugo ni Allah, anu-ano po ang mga iyon?’ Ang sabi niya, ‘Ang Pagtatambal kay Allah,……’

Ayon kay Mu’adh bin Jabal (RA): Habang ako noon ay nakaangkas sa likuran ng Propeta (SAS) nang siya ay nakasakay sa isang asno, sinabi niya (sa akin), ‘O Mu-adh, nalalaman mo ba ang karapatan ni Allah sa mga tao at ang karapatan ng mga tao kay Allah? Ang sabi nito, ‘si Allah po at (kayo na) Kanyang Sugo ang higit na nakaaalam.’ Ang sabi niya (SAS), ‘ Karapatan ni Allah sa mga tao na Siya lamang ang sambahin nila at hindi tambalan ng anuman at karapatan naman ng mga tao kay Allah na hindi Niya parurusahan ang sinumang hindi nagtatambal ng anuman sa Kanya……’

Ang mga Aral

1. Ang shirk ay mapanganib at hindi ito mapapatawad kung hindi pagsisisihan. Ito ay hindi katulad ng ibang mga kasalanan na maaaring mapatawad kung nanaisin ni Allah.
2. Ang sinumang mamatay na ang kasalanan ay shirk, mawawalan ng saysay at halaga ang kanyang gawa. Ang shirk ang dahilan kung bakit mananatili ang isang tao sa impiyerno magpakailanman.
3. Ang Tawheed (Pagsamba kay Allah lamang ) ang siyang dahilan kung bakit nilalang ang jinn at ang tao at ito rin ang pinakapangunahing dahilan ng pagpasok sa paraiso at ang dahilan ng kaligtasan sa Impiyerno.